夜晚遊網時，發現呢單新聞：

《油王出1億 撬奇連士文》 (明報) 04月 19日 星期四 05:10AM

【明報專訊】雖然德國 國家隊前教練奇連士文 否認來季接掌車路士 帥印，但英國 傳媒指「藍戰士」班主艾巴莫域打算盡最後努力，將年薪增至1.1億港元（700萬鎊），希望吸引到該名42歲少帥來投。

艾巴莫域與車路士領隊摩連奴 一直盛傳不和，縱使近日看來關係已改善，惟「油王」認為摩連奴無法製造環球影響力，他相信只有奇連士文的魅力和主攻風格，才可達到這長久渴求的目標。摩連奴剛以1.07億港元（680萬鎊）成為去年最高收入主帥，而在給予「奇帥」1.01億港元（640萬鎊）年薪被拒後，油王將動用每年1.1億元利誘。

德國名宿碧根鮑華亦支持奇帥過檔，但必須長期留守倫敦 的球會大本營，不能像帶領德國隊般，大部分時間身處定居地美國。碧根鮑華稱﹕「曾於熱刺 表現出色的奇連士文，於英國備受敬重。即使在車路士壓力無比巨大，他亦應該抓緊機會，因他有能居之。」

或者大家唔知道，我有幾鍾意奇連士文！奇哥仔簡直係我心目中的白馬王子呀！自1988年歐洲國家盃同佢相遇之後（當然係0係電視啦），從始我就深深咁迷上呢架金色轟炸機啦！

大家睇下，佢當年真係好英俊0架

老實講，當年仲未識睇波的我，當然是被他那俊俏的樣子迷倒啦！結果一家三口，包括我、我老豆同我細佬，晚晚半夜唔瞓就係睇歐洲國家盃！真係開心到暈呀。至於阿媽，就一早俾我地紅牌趕左佢出場去左瞓覺豬囉，因為佢成日問埋ｄ低能問題，包括做乜球場上有個黑衣人走黎走去，阻住人地比賽！阿媽，人地係球証黎0架

到後來先發覺，佢唔只靚仔咁簡單！

金色轟炸的的攻力真係好勁！雖然成日有人話佢係執雞王、插水王！但俾著你係守衛，見到呢ｄ前鋒你驚唔驚先？鄧小平都有話啦「唔理黑貓、白貓，捉到老鼠就係好貓！」我許小穎都話：「唔理執雞、插水，有士哥就係好波！」

到後來因為太迷klinsmann，開始睇好多佢ｄ資料同新聞，先知道佢同其他球員最唔同的一樣野，係佢有健康的生活習慣、工餘時會去監獄做義工！我覺得呢ｄ對一日搵錢多過我一年的球星黎講，真係好難得，所以我真係好鍾意好鍾意佢！

去年世界盃舉行前，前隊友執教禾拉執教的德國隊，成績差到連我呢個忠心球迷心痛，結果禾拉被炒。

德足總竟然搵呢位全無帶波經驗的klinsmann擔當如此重任，就算我對佢幾有信心都好，都忍唔住問一句：「奇哥，你得唔得0架？」

面對國內外的壓力，無懼無俱的他大膽地將沉悶的德國機動式足球，變成悅目的進攻足球！

又唔怕ｄ大哥的地位，起用佢認為有作為的新人！

結果，奇帥不負眾望，雖然帶唔到德國隊去柏林！但令德國隊嬴得世人的心，咁唔係嬴得更多咩

正當大家都希望佢留低的時候，佢選擇返美國同愛妻生活！真係估你唔到！

佢面上永遠都掛住呢個可愛的笑容！還記得當然佢隨熱刺來港作賽，當時仍是st john member的我成功爭取要當呢一更，真係開心到瞓唔著！有機會在更衫室外同佢握到手，真係開心到幾日唔洗手呀

奇帥，究竟你係咪真係會執掌車仔呢？我真係好想知！一方面很想再睇到你的風采，特別是坐在場邊的你，內心卻緊緊的連繫住球場上每個隊員，你的一舉一動都令我迷到！

雖然英超聯入面，我鍾意的是車仔，（因為我鍾意油王艾巴莫域），但無論你有咩決定，我都一定係100%支持！！！

（以上有關klinsmann的圖片全部來自互聯網，物主如不同意刊載請通知本人，我會立即移除）

呢個係今日同媽咪lunch的小食！白灼螺肉！正～～

晚餐就係呢個楊州炒飯同土魷蒸肉餅，都係晏畫的物資黎0架！

至於呢個係咪好熟口面啦！嘻嘻，因為細少奶又請我地食灣仔的好味酸齋啦，好野！！！