又係o個句, 好耐無寫 Blog, 又未搵到工, 又冇咩心機. D 無謂野唔想寫, 都係寫 D 開心既. 等左好耐, 變形金剛電影第二集仲有唔夠一個月就有. 而且今日有關玩具終於正式開賣! 本來, 好想叫埋老友 Jeff 一切去, 但佢又撞啱要上大陸. 自己一丁友, 唯有自得其樂. 不過, 琴日有舊同事見我話會去, 托我幫佢買, 都可以算係有人簡接同我分享依份喜悅. 依個又係 Toys R Us 開既首賣會晨早 9:30 開波. 如果有人陪, 我真係幾想 8 點黎排隊. 無左推動力, 結果 9 點四個字先到, 好彩本贈品 catalog 係無限既, 幾點到都有份. 入到首先搵自己同人地要買既野. 快快趣攞個購物袋先. 攞左兩盒 leader grade 柯柏文, 哇成五舊水一隻. 打電話問人地咁死貴係未都仲要, 又順便問下人地要 D 咩. 舊同事話想要 The Fallen, 見門口個攤位冇, 去專櫃睇睇, 又俾我執到盒. 再打電話問多次, 想找盒博派銀色車, 但係o個名都冇聽過 (後來先知原來想要 sidewipe), 就咁幫人買左兩盒算喇. 後來醒起依兩隻每個 assortment 都係得一兩隻, 所以好搶手. 如果唔因為自己一早買左隻 "優先版" sideswipe, 我可能會留心多D幫到人買既. 成千幾銀換到 12 張抽獎卷. 而家先得 10 點幾, 要磨到 12 點抽獎. 好彩o個度係海運中心. 走去肯德雞坐下先. 見有盒 Fallen, 算係過手攞出黎影兩張相先. 坐左半粒鐘, 去埋廁所, 仲有排等. 同 D 柯柏文, 大黃蜂 (人扮既), 仲有 M&Ms 豆豆影下相. 捱下捱下 12 點啦.... 抽獎禮物, 除左頭十份係首影飛之外, 至勁o個兩份好把鬼: 老連咁大塊膠板, 又有一次過 3 件 poster 連大相架, 幾驚佢抽中我.... 12 張抽獎卷一份都冇中. 好想中返張戲飛... -_-; 返到屋企好開心, 攤晒出黎影, 哈哈! 先黎大合照: 雙面海報: 有 Toys R Us 咭先有既靜電貼: 會場有派既: 1) Catalog, 2) 家樂仕:P